Nitori Ilosiwaju ati idagbasoke eto eko: Ajo 'HDI' sedanilekoo fawon araalu atawon toro eko kan

Taofik  Afolabi

Oga-Agba ajo HDI, Olufunso Wasanoye lo n da awon eeyan lekoo yii

Lati je ki gbogbo awon omode ti ojo ori won si ye leni to ye ko wa nileewe pada sileewe, ki eto eko si lo siwaju ju bo se wa y ii lo, ajo kan ti ki I se tijoba to n ri si idagbasoke ati ilosiwaju awujo iyen ‘Human Development Innitiatives’ ti sanilekoo fawon araalu atawon toro eko kan nipinle Eko.

Idanilekoo naa to waye ninu gbongan ajo ‘Sickle Cell Foundation’ to wa nidojuko  ilewosan ‘LUTH’ to wa ni Idi-Araba, Musin ni won ti salaye lorisirisi ona to se pon dandan ati pataki kawon omode lo sileewe eyi tijoba gbe kale lodun 2004 ti won pe ni ‘Universal Basic Education’.

Lara awon ohun ti won sanilekoo fawon eeyan lojo naa ni, anfaani to wa ninu ofin tijoba se pe gbogbo omo gbodo kawe ‘UBE Act’ todun 2004, ona tijoba fi nawo lori e, ipa to ye kawon toro kan ko ati ijiya to ye ko wa fun eni to ba tapa sofin yii. Bakan naa ni won tun da awon eeyan lekoo lori ona tawon toro eko kan gbodo gba  lati ri I pe gbogbo awon omo pata ni won lo sileewe.

Lasiko to n senidalekoo fawon eeyan lojo naa, okan ninu awon osise ajo HDI, Ogbeni Johnson Ibidapo, salaye lekunrere ohun ti ofin so nipa ileewe alakobere. Ninu oro e lo ti so pe eko nikan lo le je ki eeyan wa nibamu pelu awon ohun to n sele lagbaaye.O ni labe bo ti wu ko ri gbogbo eeyan lo nilo lati kawe,  o kere tan iwe girama ipele alakoko.O ni, o se ni laanu pe ida ogota ninu ogorun-un awon eeyan ni won kawe lorile-ede yii, bee lo buru jai pe orile-ede Naijiria lo gba ipo kin- in-ni ninu awon orile-ede tawon eeyan won ko kawe daadaa.

Bakan naa lo salaye awon idi tawon omo ki i se lo sileewe, lara e ni ise ati osi, fifi omo sise, komo tete lo sile-oko. O fi kun oro re pe aon omo to ye ki won nileewe, sugbon ti won ko si nile-eko ni Naijiria je milionu mejila ataabo.

Lasiko to n ba wa soro, oga-agba ajo ‘HDI’, Iyaafin Olufunso Wasanoye lo ti so pe awon gbe idanilekoo yii kale lati je ki gbogbo awon eeyan mo abuku ati aburu to wa ninu kawon omo to ye ki won wa nileewe ma si nibe.   O ni awon fe kawon eeyan mo ojuse won lori ohun ti won le se ki gbogbo awon omo wa nileewe.

O ni ojuse gbogbo awon eeyan lati fi to awon ti oro eko kan leti nigbakigba ti won ba ri awon omode ti won rin regberegbe kiri igboro lasiko to ba ye ki won wa nileewe tabi awon ti won gbe oja le lori nigba to ye ki won wa nile-eko, ki won ma foju ko kan mi wo iru omo bee.

Yato si eyi, o ni kawon eeyan ri i pe won fi to awon ti oro eko kan leti nigbakigba ti won ba ri awon ileewe ti won ko ni aga, tabili tabi yara ikawe ti yoo mu eko rorun fawon omo.

Ogbeni Johnson Ibidapo lon sedanilekoo fawon eeyan yii

Iyaafin Wasanoye, te siwaju ninu oro re pe omo ti ko ba ni eko ati imo jaguda niru omo bee maa n ya lojo iwaju. Bee lo so pe ileese ‘HDI’ seto eko ofe fawon omode ti won ko ni baba tabi awon ti obi won ti ku. O ni iru awon omo yii gbodo wa nileewe ijoba, bee lo so pe awon tun lo maa n sedanilekoo fawon omode nileewe won.

Bakan naa ni akowe  igbimo to n ri si eto eko alakobere nipinle Eko, ‘SUBEB’, Ogbeni Olatunde Anthony Adefuye naa ba wa soro, ninu oro okunrin naa lo ti lu ajo ‘HDI’ logo enu fun ohun ti won se yii, o ni bo tile je pe ijoba gbinyanju lati je ki eto eko muna doko,sugbon kudiekudie si wa ninu eto eko. O ni ohun ti ajo HDI se yii fihan pe ki eto eko lo siwaju ki I se ohun tijoba nikan le da se bi ko se ojuse gbogbo wa, ohun ti ajo HDI si n se lowo niyen.    

Die lara awon eeyan ti won wa nibe niyii