Eyi ni bi awon eeyan repete se janfaani ayewo ati iwosan ofe lowo ajo 'FAJIM Medical Foundation'

Lati fi samin ayajo ojo ti won la sile fun aisan eje ruru lagbaaye,  'World Hypertension Day',  ajo kan ti ki I se tijoba toruko e n je, 'FAJIM Medicare Foundation' pese itoju ati ayewo ofe fun awon olugbe Ilasama, ni Mushin, nipinle Eko. Ana, ojo keeedogun, osu yii leto ilera ofe naa waye.

Okere tan, awon eeyan to le ni ogoje (140) ni won janfaani ayewo ofe lori awon aisan bii: ejeruru, ito sugar, hepatitis ati kokoro HIV.

Bakan naa ni won ti se orisiirisii ayewo oyan fawon obinrin  ati ayewo Kansa ti won n pe ni prostate cancer fawon okunrin peluu. Opo awon eeyan yii tun janfaani oogun ofe, bee lawon mi-in ti won nipenija awon aisan mi-in naa janfaani ayewo ofe, ti won si dari won sodo awon Akosemose lori imo isegun oyinbo.

 Lara awon anfaani ti awon eeyan je lojo naa ni idanilekoo lori ohun to sokufa eje ruru ati bi a se le toju ati dena e. Oludasile ajo FAJIM Medicare Foundation, Ojogbon Fatima Abdulkareem ni won se idanilekoo naa fawon eeyan lojo naa.

Ojogbon Fatima Abdulkareem je ogbontarigi akosemose lori eto ilera ti won n pe ni pathologist nileewosan ijoba 'Lagos state University Teaching Hospital', LUTH. Ojogbon yii je eni ti o n lo gbogbo imo, owo ati lakaaye ti Olorun fun un lati fi mu aye iderun ba gbogbo eeyan.

Musulumi ododo to feran lati maa ran awon to ba ku die kaato lowo fun un ni Ojogbon Abdul Kareem. 

Laarin odun meta ti Ojogbon yii ti da ajo FAJIM Medicare Foundation sile, awon eeyan to die ni egberun meta ni won ti janfaani ilera ati ayewo ofe lowo ajo yii. Bakan lawon eeyan merinla ti janfaani eko-ofe lowo Ojogbon Abfulkareem.