Awọn asọbode yinbọn pa Rilwan l'Ogun

Beeyan ba jẹ ori ahun omi yoo bọ loju ẹ to ba debi ti ibọn awọn asọbode, ti wọn pe ni kọsitọọmu ti yinpa pa ọdọmọkunrin, ẹni ọdun mẹẹẹdogun kan ti wọn pe orukọ ẹ ni Riliwan Bello.

Gẹgẹ bi a ṣe gbọ, laarọ ọjọ Ẹti, Fraide to kọja ni wọn iṣẹlẹ naa waye ni garaaji Owode- Idiroko.Ọmọleewe girama 'Area Community High School to wa ni Owode  ni wọn pe, bakan naa ni wọn sọ pe kilaasi giga akọkọ SS1 lo wa nileewe girama

Iwadii fi ye wa pe ṣe lawọn asọbode yawọ garaaji Owode, ti wọn ni wọn bẹrẹ si ni fọ ṣọọbu, ti wọn si n ko apo ṣuga jade, bẹẹ ni wọn sọ pe wọn tun yinbọn soke lati fi le awọn eeyan.

Ara ọta ibọn ti wọn sọ pe wọn yin soke yii lo ba Riliwan lori, ti ori ẹ si fọn ka, to si ku loju ẹsẹ, gbogbo akitiyan awọn to wa nibi iṣẹle ọhun lati doola ẹmi ẹ lo ja si pabo.

Gbogbo akitiyan wa lati gbọ tẹnu awọn aṣọbode lori iṣẹlẹ yii lo ja si pabo nitori bi agbẹnusọ wọn, Malwaida ṣe sọ pe oun yoo pe wa ṣugbọn ti ko pe pada titi taa fi n kọ iroyin yii.