Wàhálà dé: Ọba Nla ilẹ̀ Ìjẹ̀sà fẹ̀sùn kan Ọba Arómọ́làrán Ó ní ọba alayé nàá n fi yo awon lenu

Ki i ṣe wahala kekere lo n ṣẹlẹ laarin awọn eekan ilu Ileṣa nipinlẹ Ọsun kan ati Ọba ilu naa, Alayeluwa Ọba Adekunle Aromọlaran, Ọwa Obokun tilẹ Ijẹṣa. Lara awọn aṣaaju ilẹ Ijẹsa ti to fi aindunnu ẹ han si ẹsun ti wọn fi kan Ọba yii Oloye Oyekanmi Ogedengbe ti i ṣe Ọbanla ilẹ Ijẹsa, ọkẹ aimoyẹ ẹsun ni oloye nla yii fi kan Kabiyeesi.

Lara ẹsun ti Oloye Ogedengbe fi kan Ọwa ni pe ọba naa ma n lo awọn ọmọọta ti wọn n pe ni tọọgi lati fi dunkoko mọ awọn ẹnikẹni to ba fẹẹ kọ ile ni Ileṣa, eyi to ma n fa wahala ni gbogbo igba, eyi si n da omi alaafia ilu naa ru.  

Ẹsun mi-in ti Oloye Ogedegbe fi kan Ọwa ni pe owo nla ti Kabiyeesi beere lasiko ti wọn fẹẹ ṣe  omi ẹrọ siluu, o ni Kabiyeesi yari pe wọn ko gbọdọ ri ẹrọ omi naa, wọn ko si ri i ṣe di bii a ṣe n sọrọ yii. Bakan naa la gbọ pe Ọba Alaye yii leri pe oun ju ijọba lọ ati pe ko si ohun ti ẹnikẹni to le da oun lọwọ ko ohun ti oun ba fẹẹ ṣe.

Ọba nla waa rawọ ẹbẹ si ijọba ipinlẹ Ọsun lati ba awọn da si wahala ti Ọwa n da silẹ laarin ilu yii, ki wahala ma di ohun ti apa awọn agbofinro ko ni i ka.

Gbogbo akitiyan lati gbọ ọrọ lẹnu Ọwa lo ja si pabo, agbẹnusọ wọn ti a ba sọrọ, Alagba  Ọlatunbọsun sọ pe Kabiyeesi ko ti i da gbogbo ibeere ti a bi wọn.