Àwọn aafaa rọ̀jò àdúrà níbi àdúrà ọjọ́ kẹjo Alaaja Falilat Ọ̀rẹ́dọlá Giwa, Mama Alaaja Ramotalahi Onikijipa to waye l’Ekoo

Gbogbo awọn eeyan to wa nibi adura ọjọ kẹjọ ti wọn ṣe fun Alaaja Falilat Ọrẹdọla Giwa to waye ninu papa iṣere ‘Agege Stadium’ ni wọn sọ pe aye yẹ ẹ mama yii, bẹẹ ni ẹyin ẹ naa dara, pẹluu bi awọn eeyan pataki lawujọ, awọn ọmọwe atawọn aafaa nla ṣe peju-pesẹ sibi adura yii.

Ọkan ninu awọn ọmọ mama yii, Alaaja Ramotalahi, ti i ṣe iyawo agba aafaa nla nni, Sheik Faruq Onikijipa lo sagbateru adura yii fun mama ẹ to ku yii. Sheik nla nni, Sheik Habibulahi Al-Ilory lo se adura ati waasi pataki nibi eto adura ọjọ kẹjọ yii.

Ẹni to ba ri Sheik Onigijipa lọjọ naa yoo mọ pe aafaa nla yii soju, bẹẹe lo seyin rere fun ana ẹ yii. Leesi funfun balau ni Alaaja Ramotalahi atawọn ọmọ olooku wọ lọjọ yii. Lara awọn alejo pataki ti wọn wa nibi adura yii ni: Timi tilu Ẹdẹ, Ọba Muniru Laminisa atawọn olori wọn,  Sheik Bọla Belgore, Ọnarebu Sulaimọ Abubakar, Alaaji Tajudeen Usamot,  Sheik Akosile, Sheik Abdulahi Akinbọde, SheikSaobana  Al-Ilory, Sheik Faruq, Imaamu ilu Agege, Alaaji Moshood Alebiiosu atawọn eeyan jankanjankan mi-in lawujọ