Eyi ni diẹ ninu awọn asọtẹlẹ Wolii Babatunde Ayọdele fun ọdun 2020

Gbajugbaja  wolii agbaaye nni, Primate Babatunde Ayọdele  Elijah  tijo ‘INRI Evangelical Church’ to wa ni Oke-Afa nipinle Eko ti ju awon asotele odun 2020 sita.  Lara awon asotele ti ojise Olorun yii so fun wa  lo ti so pe idaamu yoo wa fun awon omo Naijiria ti won wa loke-okun, o ni ki won gbadura ki won ma ri ku he.

Nipa oro aje orile-ede yii, Ayodele so pe oro aje orile-ede yii yoo denu kole,  o ni  bo tile je pe ijoba yoo gbiyanju lati je ki oro aje se daadaa, sugbon igbiyanju ijoba ko ni i so eso rere.  Ayodele ni ijoba ipinle Eko,  Anambra, Enugu ati Imo yoo se atunse si owo ile.  O ni ka gbadura ki ijamba bombu ma sele, ka ma ri iku ojogbon nla,  adajo, gomina alagbada, minisita  ati onisowo pataki nla kan. Wolii nla yii so pe owo epo gaasi yoo lo soke, bee ni sitoofu onina kan yoo jade.

 O ni ‘ E je ka gbadura ki wahala ma sele laarin awon eya Igbo, Hausa ati Yoruba.  Ka gbadura ki ikun omi ati omiyale agbara ya soobu ma sele  lawon ipinle bii: Enugu, Kogi, Eko, Ondo ati Ekiti atawon apa ibikan nile Hausa.

Wolii yii ni ijoba aare Muhammad Buhari yoo tu asiri awon gomina atijo kan, ileese monamona ipinle Eko, River, Kwara, Kano yoo ni ipenija. Enubode ti ijoba ti yoo je ki ise agbe lo soke daadaa,  ijoba yoo gbe awon igbese kan lori oro ohun ogbin eyi ti yoo so eso rere.

E je ka gbadura ki afara kan ma ja, ka gbadura ki akolu ma waye lati awon orile-ede ti won sun mo wa. Tinubu yoo keyin Osibajo si ooru ale, wahala yoo sele laaarin Osibajo ati Buhari, awon alagbara kan nile ijoba yoo fee yo Osibajo nipo, bee lawon alagbara kan yoo dide ogun pelu Tinubu. Igbakeji aare gbodo gbadura gidigidi nitori pe won yoo gbogun ti i E je ka gbadura ka ma ri rogbodiyan ati ikolu lawon ipinle yii: Kano, Benue, Kaduna, Ondo, Jigawa’.  Ojise Olorun yii ni ka gbadura ka ma ri ijamba oko ofunrunfu ati oju-popo, bee lo so pe ayipada yoo de ba isakoso awon ileese oko ofunrunfu nipinle Eko, Kano ati Abuja.   

Awon alakatiti Boko Haraamu yoo sose niluu osu keta, ikerin ati osu karun-un, won yoo dojuko awon soja. Bee ni mo ri i pe awon ajinigbe ji awon eeyan nla kan gbe. Arun onigba meji ti won n pe ni kolera yoo sele lawon baraki soja ati tawon olopaa  kan

Ki awon omo egbe onimoto NURTW  gbadura ki won ma padanu okan pataki ninu won, ki won gbadura ki ede aiyede ma sele laarin won.

Ki awon asaaju egbe awon olorin PMAN gbadura ki ija ma sele laarin won, ki won gbadura ki ki aare  won tele ma ku. Ede aiyede yoo sele laarin awon onifuji,  bee ni ki awon osere alawada wa gbadura ki aisan ma se awon kan ninu won. Ki Sule Alao Malaika gbadura ki awon omo eyin e ma da a, ki Pasuma naa gbadura ko ma padanu ere olowo nla, Saidi Osupa gbodo gbadura ko ma je gbese, ko  si ma padanu okan ninu awon omoose e.