Nibi tawon osere kan ti n fi ile won sako, ti won n fi nnkan ini won yan awon eeyan loju lori ero ayelujara, ni gbajugbaja olorin juju ati ti emi nni, Omooba Abel Dosunmu tawon eeyan mo si Mega 99 ko ti fe kawon eeyan mo pe oun ko le olowo nla kan siluu Eko, se ni gbajumo akorin naa se kinni ohun loku oru, ko too di pe awon omo eyin tu asiiri ile ohun ti won gbe kinni ohun jade fun gbogbo aye.Ohun to sele ni pe lojo ayeye ojoobi osere omo bibi ilu Ilaro, nipinle Ogun yii lawon omoose e yii loo ka mole laaro kutukutu pelu akara oyinbo ati ebun nla nla. Bi won se de ile e ni won korin fun un, lokunrin naa ba sare bo sile lati oke ile e yii lati mo ohun to n sele, asiko naa lo mo pe won fee wa ba oun sajoyo ayeye ojoobi oun ni, ni won ba bere si ni i ya awon foto ile yii ti won n ju u sori ero ayelujara.
Ninu oro Mega 99 lo ti dupe lowo awon omoleyin e fun ife ti won fi han soun, o ni bo tile je pe oun ko fe koro ile naa di ariwo tawon eeyan yoo maa polongo e, sugbon bawon eeyan oun se so o sita yii, ko si ohun ti oun yoo se si ju pe koun gba ohun ti won se lo.
Milionu lona ogorun-un meji naira le la gbo pe Mega 99 na lori ile yii, lati orile-ede Italy lo ti ra gbogbo ohun ti won lo sara ile naa.
Ojutole naa ba Mega 99 dupe lowo Olorun fun oore ayo yii, oore naa ko ni i taku sibe.
.
.
No comments:
Post a Comment